യാത്രക്കാര്‍ക്ക് സന്തോഷവാര്‍ത്ത; അധിക ബാഗേജ് ഓഫറുമായി പ്രമുഖ വിമാനസര്‍വീസ്

മസ്കത്ത്: യാത്രക്കാര്‍ക്ക് ആശ്വാസവാര്‍ത്തയുമായി എയര്‍ ഇന്ത്യ എക്സ്പ്രസ്. അധിക ബാഗേജ് ഓഫര്‍ എയർ ഇന്ത്യ എക്സ്പ്രസ് പ്രഖ്യാപിച്ചു. ഇനിമുതല്‍ അഞ്ച് കിലോ അധിക ബാഗേജിന് ആറ് റിയാലും പത്ത് കിലോക്ക് 12 റിയാലും നൽകിയാൽ മതി. ഇന്ത്യയിൽനിന്ന് ഒമാനിലേക്ക് ഈ ആനൂകൂല്യം ഉണ്ടാവില്ല. മുന്‍പ് 25, 50 റിയാലായിരുന്നു അധിക ബാഗേജിന് ഈടാക്കിയിരുന്നത്. ഒക്ടോബർ 25 വരെ മാത്രമേ ഈ ഓഫര്‍ ഉണ്ടായിരിക്കുകയുള്ളൂ. സ്കൂൾ, പെരുന്നാൾ അവധിയിൽ നാട്ടിൽ പോകുന്നവരെ ആകർഷിക്കുന്നതാണ് ഈ ഓഫര്‍. അധിക ലോഡ് വരുമ്പോൾ ഇത്തരം ഓഫറുകൾ ഒഴിവാക്കാറുണ്ട്. സീസണായത് കൊണ്ടുന്നെ വരും ദിവസങ്ങളിൽ ഫുൾലോഡുമായിട്ടാകും എയർഇന്ത്യ എക്സ്പ്രസ് പോകുന്നത്. ലോഡ് കൂടിയതിനെ തുടർന്ന് മുന്‍പ് ഓഫറുകൾ ഒഴിവാക്കിയിരുന്നെന്ന് ട്രാവൽ ഏജൻസികൾ പറഞ്ഞു. ​വെബ്സൈറ്റിൽ നിലവിൽ ജൂണിൽപോലും ഈ ഓഫർ കിട്ടുന്നില്ലെന്നും വരും ദിവസങ്ങളിലെ കൂടുതൽ വ്യക്തത വരികയുള്ളെന്നും അവർ പറഞ്ഞു.